Аудандық балалар кітапханасында отбасы күніне орай "Отбасы - бақыт мекені" тақырыбында кездесу кеші өтті.
Кездесуге ауылдағы үлгілі, кітап оқитын үздік оқырман отбасыларымыз Бейісовтер отбасы мен Қожағалиевтер отбасы қатысты. Кеш барысында өзіндік пікірлерін ортаға салған қонақтарымызға сұрақтар қойылып, тұшымды жауаптар тыңдалды. Отбасы мүшелері Інжу Нұрбекқызы , Раяна Мұрат ақиық ақын М.Мақатаевтың " Ана", " Әке" өлеңдерін мәнерлеп оқып өнерлерін көрсетті.Өнер мектебінің оқушысы Ноғай Нұрдәулет Құрманғазының "Балбырауын" күйі нақышына келтіре орындап берді. Сонымен қатар 4 сынып оқушылары І.Ғинаят, Н.Бауыржанқызының тақпақтары кешті одан әрі жалғады.
"Отбасының жемісі - тәрбиелі ұл мен қыз" деген, мақтан етер ұрпағымыз көбейіп, қазыналы қарттарымыз көп болсын деген ізгі ниетпен кеш қорытындыланып, қонақтарға естелік-сыйлықтар табыс етілді.
