Миялыда Құныскерей Қожахметұлы атындағы саябақта салауатты өмір салтын қалыптастыру, ұлттық спорт түрлерін дамыту мақсатында ересектер арасында садақ атудан турнир өтті.

Қызылқоға аудандық ішкі саясат бөлімі мен аудандық мәдениет, тілдерді мен дамыту, дене шынықтыру және спорт бөлімінің ұйымдастыруымен өткен жарысқа барлығы 20 мерген қатысып өз бақтарын сынады.

Жарыс ережесіне сай әрбір қатысушы өзіне берілген бес оқты атып, 25 метр жерде орналасқан нысанаға дәлдеп тигізу керек. Өте тартысты өткен жарыс нәтижесінде ең көп ұпай жинаған Төлеген Қамиев бірінші орынды жеңіп алса, туған жеріне демалысқа келген сазгер, күйші Бауыржан Ақтаев екінші орынды иеленді. Жүлделі үшінші орын Тойлыбек Қабиевке бұйырса, Сәндібек Өтешов «Үздік өнер көрсеткені үшін» Алғыс хатпен марапаттал[1]ды. Ал, жеңімпаз бен жүлдегерлерге бөлім атынан медаль, естелік сыйлықтар табыс етілді.

Дулат БЕРІК