Үкіметтің кеңейтілген отырысында Президент Қасым-Жомарт Тоқаев цифрландыру ісіне, соның ішінде мемлекеттік қызмет көрсету саласында осы бағыттағы жетістіктерге баға берді. Әрбір азаматтың мәліметі сапалы түрде жүзеге асып қана қоймай, құқығының қорғалуын қамтамасыз ететін сенімді жүйеге айналуы өте маңызды.
Әлем елдерінде жаппай цифрландыру үрдісі қарқынды жүріп жатыр. Шетелдерде тіпті бейнебақылаудың көмегімен азаматтардың бет-әлпетін оңай ажырата алады. Енді сол компьютердің күшімен жасанды интеллект жобасы жүзеге асып жатыр. Демек технология, цифрлы жүйе, роботтехника күн санап жетіліп жатыр деген сөз.
Оны жасап жатқан – біз сияқты жастар. Бірақ олар білімді, ғылыми негіздемеге сүйене отырып істейді. Сондықтан жастар ізденіп, білімдерін жетілдіріп, ғылымға көбірек ден қою арқылы жаңа технологияның көшіне ілесе алады. Себебі кемел білім мен ғылымсыз кез келген жетістікке жету қиын. Ақпараттық технологиялар дәуірінде бәсекеге қабілетті болу үшін үздіксіз даму қажет. Жаңа идеялар ұсынып, ғылыми жаңалықтар ашу біздің басты мақсатымыз болуға тиіс. Өйткені дамыған елдер инновация арқылы алға жылжып келеді. Еліміз де осы бағытта қарқынды қадам басуы керек. Сол үшін жастар жаңа білім алуға ұмтылып, шығармашылық ойлау қабілетін дамытқаны жөн. Тек осылай ғана біз әлемдік технологиялық өрістен қалыс қалмаймыз.
Баутан Есенкелді,
«Оңтүстік» телеарнасының тілшісі
