Конституциялық реформалар билік пен қоғам арасындағы қатынасты жаңа деңгейге көтереді. Азаматтардың мүддесі ескеріліп, шешім қабылдау процесінде халықтың рөлі күшейеді.
Сонымен бірге, заңнаманың үйлесімділігі мен тұрақтылығы қамтамасыз етіледі, бұл мемлекеттік басқару жүйесінің тиімділігін арттырады. Жаңа Конституция жобасы тек құқықтық аспектілерді ғана қамтып қоймай, әлеуметтік әділеттілікті нығайтуға, азаматтардың күнделікті өміріне оң әсер етуге де бағытталған. Әрбір азамат өз құқығын қорғай алатынына сенімді болады, ал билік пен халық арасындағы қарым-қатынас айқын, ашық және әділ болады. Жаңа Конституция жобасы арқылы азаматтар өз пікірін ашық білдіруге және шешім қабылдау процесіне белсенді қатысуға мүмкіндік алады. Бұл – қоғам мен билік арасындағы диалогты нығайтуға, мемлекеттік басқаруды тиімді етуге және халық сенімін арттыруға бағытталған маңызды қадам. Заң үстемдігі, құқықтық мемлекет принциптері және азаматтардың құқықтары – жобаның басты басымдықтары болып отыр. Қорыта айтқанда, бұл жоба еліміздің болашағына стратегиялық бағыт беріп, қоғам мен мемлекет арасындағы сенімді нығайтып, елдің демократиялық дамуы жолында қызмет ете береді деп сенемін.
Венера МЫРЗАҒАЛИ,
аудандық мәслихат депутаты
