Мемлекеттік рәміздер – елдің елдігін танытатын басты құндылықтың бірі.
Туған жерге деген мақтаныш пен сүйіспеншілік мемлекеттік рәміздерді құрметтеуден басталады. Елдігіміздің нышанына айналған рәміздеріміз көгімізде қалықтап, әнұранымыз әр салтанатты шарада шарықтап жүр.
Тайсойған ауылдық округіндегі кітапхана мен ауылдық округ клуб меңгерушілері мектеп оқушылары мен ауыл тұрғындарымен түрлі деңгейдегі іс-шаралар өткізіліп келеді. Айта кеткен жөн, тоқсан сайын мемлекеттік рәміздердің дұрыс орналасуы бойынша ауылдық округ әкімі аппаратының бас маманы зерделеу жұмыстарын жүргізіп, тиісінше ескертпелерді қалыпқа келтіруде.
Рәміздерді насихаттау ісін осы тұрғыдан алғанда басты идеологиялық жұмыстардың бірі ретінде қарастыруға болады. Оның дұрыс және ауқымды жүруі мемлекеттің ішкі саясаты үшін де маңызды.Міне, осы жұмыстардың уақыты орындалып отыруы арқылы ғана біздің мемлекеттік рәміздер өскелең ұрпақ арасында кеңінен таралады деп сенеміз.
Төреш ҚОЗБАҚОВ
Тайсойған ауылдық округ әкімі
