Ақтөбе қаласында республикалық «Нұрлы Жастар» байқауы болып өтті.

Оған Миялы балалар өнер мектебінің Ойыл ауылдық округі филиалының оқушылары қатысып, бақ сынады. Нәтижесінде, «Айзере» ортаңғы және кіші би топтары ІІІ орынды иеленіп, лауреат атанса, жеке орындауда Альфия Арыстанғалиева ІІІ орынға ие болды. Ойылдық бишілердің осындай жетістікке жетуіне жетекшілері Ақсәуле Отаралиеваның еңбегі зор. Биші балғындарға талай биік белесті бағындырып, жетістікке жетулеріне тілектестік білдіреміз.

Өз тілшіміз.