Мұқыр ауылдық клубында мүмкіндігі шектеулі жандар күніне орай мәдени шара болып өтті.

Дастарқан жайылып, мүмкіндігі шектеулі жандарға құрмет көрсетілді. Мәдени шарада Мұқыр ауылдық округі әкімінің міндетін атқарушы Ж.Сарбаева сөз сөйлеп, мүмкіндігі шектеулі жандарға арналған мемлекеттің, үкіметтің жасап отырған қамқорлық аясындағы арнайы бағдарламалары туралы, Елбасының сындарлы саясаты арқасындағы қолжетімді баспанамен қамту, жұмысқа орналасу, әлеуметтік жеңілдіктер туралы ақпараттармен таныстырылды. Ауыл өнерпаздары Б.Досбосын мен Е.Жұмағали ән салса, өнерпаз бишілері мың бұрала билеп берді.

Шара барысында, Мұқыр ауылдық ардагерлер кеңесінің төрағасы А.Сақиев пен Мұқыр ауылдық клубының директоры А.Есенғали сөз сөйлеп, ізгі тілектерін арнаса, кеш қонақтары өздерінің лебіздерін білдіріп, ризашылықтарын жеткізді.

Бауыржан СИСЕНОВ