"Денсаулық" пойызы медициналық көмек көрсетеді

Елбасы Н.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауында ерекше айқындалған денсаулық сақтау саласындағы маңызды шараларын жүзеге асыру ісінде көліктік медицинаға қойылып отырған үлкен міндеттерге сәйкес, еліміздің денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасы шеңберінде «Денсаулық» пойызында шалғай аудандар, станциялар мен елді-мекен тұрғындарына білікті медициналық көмек көрсетеді.

Атырау облысы бойынша 26 қыркүйек күні өз жұмысын Мақат стансасынан бастаған «Денсаулық» медициналық пойызы жоспарға сәйкес Жамансор стансасында 8 қазан күні, Мұқыр стансасында 9-10 қазан, ал, Сағыз стансасында 11-13 қазан аралығында жұмыс жасайтын болады.

Аталмыш пойыз барлық қажетті құрал-жабдықтармен жабдықталған 9 вагоннан, оның ішінде 4 медициналық вагоннан құралды. Пойызда терапевт, неврапотолог, окулист, гинеколог, хирург, уролог, УДЗ дәрігері, эндоскопист, рентгенолог, кардиолог, стоматолог дәрігерлері медициналық қызмет көрсетеді. Барлығы да бірінші және жоғары санатты, тәжірибесі мол дәрігерлер.

Заманауи құрал-жабдықтармен жабдықталған бұл пойызда қарапайым халықтың қолы жете бермейтін дәрігерлік көмек түрлері тегін көрсетіледі. Әсіресе, медициналық көмекке әлеуметтік әлсіз топтағы адамдар зәру. Содан болса керек, әр стансада тұрғындар көп жиналуда. Барлығы да өздерінің денсаулығын тексертуді көздейді, көбі балаларын бірге алып келуде. Медициналық тексеруден өтуге ниет білдіргендер саны күн санап артып, науқастар қолына тиісті ем жазылып берілуде. Қорыта айтқанда, ауданның әрбір тұрғынын сапалы медициналық қызмет түрлерін алуға шақырамыз.

Д.АМАНҒАЛИЕВА,

Атырау теміржол ауруханасының ұйымдастыру-экономикалық бөлім меңгерушісі.

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика