4 маусым – Қазақстан Республикасының Мемлекеттік Рәміздері күніне орай «Жастар» паркіндегі «Мемлекттік Рәміздер – ұлт мақтанышы» атты шара орталық көше бойымен жүріп өткен жиырма автокөліктің шеруімен басталды.

Ортаға Ту мен Елтаңбамыз ерекше салтанатпен әкелініп, Әнұранымыз шырқылды. Жиында сөз алған аудан әкімінің орынбасары Айдулат Кенжебеков шараға жиналғандарды рәміздер күнімен құттықтап, халықтың рухын, ұлттық салт-санасын, болашаққа үмітін, арман-тілегін жеткізген осы бір қасиетті белгілердің мәнін әрбір азамат терең түсініп, оны қастерлей білуге шақырды. Жиын концерттік бағдарламамен жалғасып, патриоттық әндер шырқалып, дүйім жұртты жігерлендіріп, бір серпілтіп тастады.

Сондай-ақ, мың бұралған бишілердің өнері көрерменді тамсандырды. Ал, «Жасұлан», «Нұр-Шуақ» балабақшасының бүлдіршіндері көк Туымызды желбіретіп, Әнұранымызды жатқа айтты.