Қашанда жақсылықтың жанынан табылып, игі істер жасауда белсенділік танытатын сағыздықтар қасиетті Рамазан айынын соңғы күнінде «Тегін такси» акциясын ұйымдастырды.
«Абдолла Хазірет» мешітінің «Сағыз иман жастары» еріктілер тобының ұйымдастыруымен өткен «Тегін такси» акция таңғы сағат тоғыздан бастап кешкі алтыға дейін жалғасып, оған барлығы 11 автокөлік қатысты. Олар күні бойы ауыл халқына тегін қызмет етіп, баратын жеріне дейін жеткізіп тастады. Аталған шараға ауыл тұрғындары ризашылығын білдіріп, қатысушы автокөлік иелері ауыл үлкендерінің батасын алды.
