Миялы спорт кешенінде 25 қазан – Республика күніне арналған дзюдо күресінен 2009-2010 жылдары туған жасөспірім ұлдар арасында аудандық командалық жарыс өтті.
Жарысты аудан әкімінің орынбасары Айдулат Кенжебеков ашып, спортшыларға сәттілік тіледі. Сондай-ақ, шара барысында дзюдо күресінен Қазақстан Республикасының спорт шеберлігіне үміткер атағымен Ислам Амангелді марапатталды.
Миялы, Жангелдин, Ойыл, Көздіғара, Тасшағыл, Мұқыр, Сағыз ауылдық округтерінен бақ сынаған сайыста Миялы ауылдық округінің командасы жеңімпаз атанса, ІІ орынды Сағыз ауылдық округі, ІІІ орынды Мұқыр және Тасшағыл ауылдық округтері иеленді. Барлық жеңімпаздар диплом, медальдармен марапатталды.
Нұрсәуле ЖАУЫНБАЕВА