Қасым-Жомарт Тоқаевтың Қазақстан халқына жолдауы еш бір отандасымызды бей-жай қалдырмады. Көпті, әсіресе, бизнеске жасалатын жеңілдік пен өңірлерді дамыту, жерді пайдалануға беру мен бір палаталы парламентке қатысты айтқандары елең еткізді.
Президент өз жолдауында мемлекеттік органдар тарапынан бизнеске көрсетіліп жатқан қысымды да жою керек деді. Ал мемлекет иелігіне қайтарылған жердің бәрі жыл соңына дейін шаруаларға таратылып беріледі. Президент өңірлерге инвестиция тартуды сөз етті. Ол үшін арнайы экономикалық аймақтарды дамытпақ, оған шетелдік компаниялар тартылады.
