Президент Жолдауында ауыл шаруашылығын жаңғырту – ел дамуының басты бағыттарының бірі екені ерекше атап өтілді.
Себебі агросектор – халықты азық-түлікпен қамтамасыз ететін және экспорттық әлеуеті зор стратегиялық сала. Қазіргі таңда бұл бағытта заманауи технологияларды енгізу, цифрландыру және су үнемдеу жүйелерін жетілдіру аса маңызды. Ауыл еңбеккерлеріне қолдау көрсету, кооперацияны дамыту және өнімді терең өңдеу ісін жолға қою – ауыл экономикасын жаңа деңгейге көтереді. Ауыл шаруашылығын жаңғырту арқылы біз ауыл тұрғындарының әл-ауқатын арттырып, елдің азық-түлік қауіпсіздігін қамтамасыз ете аламыз.
Қайырғали БАЗАРБАЕВ,
ауыл шаруашылығы саласының ардагері
