"Қазақстанның кәсіпкер әйелдерінің одағы қауымдастық нысанындағы Атырау облысы бойынша Шапағат ҮЕҰ» қоғамдық бірлестігінің ұйымдастыруымен, Атырау қаласындағы Жастар мәдениет үйінде «Үміт бер» байқауы болып өтті.
Оған ауданымыздан Жартылай күндізгі стационарлық үлгідегі ұйымының күндіз болу бөлімшесінде қызмет алушы ерекше балаларымыз қатынасып, жақсы жетістікке жетті. Айталық, «Қолөнер және сурет салу» номинациясы бойынша Юнис Ыбырайұлы бас жүлдені жеңіп алса, Арман Орысбай «Көркем сөз» номинациясы бойынша үшінші орынға ие болды. Сонымен бірге, Көздіғара ауылдық округінен қатысқан Ақерке Түгелбай «Вокал» номинациясы бойынша бас жүлдені иемденді. Балалар алғыс хат және бағалы сыйлықтармен марапатталды.
