Аудандық орталық кітапханада ғасырлар бойы қалыптасып, халқымызбен бірге жасап келе жатқан ұлттық салт-дәстүріміз жас ұрпақты имандылыққа, инабаттылыққа тәрбиелеу мақсатында «Салт дәстүрім – қазынам» атты зияткерлік сайыс болып өтті.

Ондағы мақсат – жастарды кітапхана келіп кітап оқуға шақыру. 
Сайысқа 4 топ қатысып, «Сәлем – сөздің анасы», «Білімді мыңды жығар, білекті бірді жығар», «Адасқан сөздер», «Серпілу», «Артық болмас білгенің», «Кім жылдам» бөлімдерінен сынға түсті. Нәтижесінде, аудандық жастар ресурстық орталығының «Сұңқар»  командасы I орынды, Миялы өнер мектебінің «Болашақ» командасы II орынды, Х.Досмұхамедұлы және Б.аманшин атындағы орта мектептерінің «Қыран» командасы және III орынды иеленді. 

Балжан СЕРІКБАЕВА,

біріңғай қорларды ұйымдастыру және 
пайдалану бөлімінің меңгерушісі