Бүгін аудан әкімнің орынбасары Ерболат Иғали аудандық ветеринариялық стансасы басшысының орынбасары Аязбай Оразов пен аудандық аумақтық инспекциясының бас маманы Серікбай Латиевті қабылдады.
Онда алдымен сөз алған аудан әкімнің орынбасары Ерболат Иғали:
– Әркез ауданның дамуына зор үлес қосқан Сіздерді арнайы шақырып, мерейлі жастарыңызбен құттықтағанды жөн көрдік. Сіздер өз істеріңізге жауапкершілікпен қарап, ел үшін еселі еңбек еттіңіздер. Абыройлы қызмет атқардыңыздар. Зейнеткерлік жасқа шығуларыңызбен шын жүректен аудан әкімінің атынан құттықтаймын, - деген ізгі тілегін білдіріп, қос азаматтың иығына шапан жауып, аудан әкімінің Алғыс хатын табыстады.
Бұдан кейін бірге қызмет атқарған әріптестері де ізгі тілектерін арнады. Қос зейнеткер алғыстарын білдірді.
Кәмшат ӘБІШ
