ҚР Парламенті Мәжілісінің депутаты, Қазақстан халық партиясы фракциясының жетекшісі Магеррам Магеррамов жаңа Конституция жобасында алғаш рет Преамбула деңгейінде «Әділетті Қазақстан» қағидаты бекітілгенін атап өтті.
Оның айтуынша, бұл қағидат ел дамуының негізгі бағытын айқындап, заң үстемдігі мен әлеуметтік әділеттілікті нығайтуға негіз болады. «Әділетті Қазақстан» тұжырымдамасы азаматтардың құқықтарын қорғауды және тең мүмкіндіктер жасауды көздейді. Депутат бұл өзгерістер қоғамның сенімін арттырып, мемлекеттік басқарудың ашықтығын күшейтетінін айтты.
