Тайсойған ауылдық округінің тұрғындары қос мерекені ұйымшылдықпен атап өтті. Мереке аясында алдымен шағын футболдан ауылішілік жарыс ұйымдастырылды.

Нәтижесінде, қарсыластарының барлығын ұтқан «Қайрат» командасы І орынды жеңіп алса, ауыл жастарынан құрылған команда ІІ орынды, «Бірлік» командасы ІІІ орынды иемденді. Манас Саматов «Үздік ойыншы» атанса, «Үздік қақпашы» атағын Серікболсын Асқарұлы иеленді. Жарыс соңында жеңімпаз-жүлдегерлерді округ әкімі Төреш Қозбақов арнайы диплом және медальдармен марапаттады. Сондай-ақ, Жеңіс күні Тайсойған ауылының тұрғындары соғыстан оралмаған боздақтарға қойылған обелискіге гүл шоқтарын қойып, округ әкімі Төреш Қозбақов ауылдағы тыл ардагерлерін мерекемен құттықтап, сый-сияпат жасады.

Бауыржан ЕРЖАН