Ауыл тұрғындарын Отан қорғаушылар күнімен құттықтаған Көздіғара ауылдық округінің жастары «Сарбаздар» әнімен флешмоб билеп, челлендж жолдады.
Ал, «Самал» мәдениет үйінің өнерпаздары «Ұлтын сүйген ұландар» тақырыбында мерекелік шара ұйымдастырып, тұрғындарға көтеріңкі көңіл-күй сыйлады. Ал, Жеңіс күні тұрғындар «Ерлікке тағзым» атты обелискіге гүл шоқтарын қойып, Ұлы Отан соғысында қаза тапқан майдангерлерді бір минут үнсіздікпен еске алып, рухтарына тағзым етті. Көздіғара ауылдық округінің әкімі Ернар Ізімов пен Көздіғара ауылдық бастауыш ардагерлер ұйымының төрағасы Қайырбай Ерекенов ауыл тұрғындарын Жеңістің 78 жылдығымен құттықтап, елімізге тыныштық пен бейбіт өмір тіледі. Шара соңы концерттік бағдарламаға ұласты.
Бауыржан ЕРЖАН
