«Жасыл ел» жастар еңбек жасағының ХІХ маусымының І кезеңі бойынша сарбаздар өз жұмыстарын бастады. Аудан бойынша 3 ай ішінде 16-35 жас аралығындағы 200 жас жұмыспен қамтылады.
- Жылдағы дәстүр бойынша «Жасыл ел» жастар еңбек жасағының алғашқы кезеңінде 4 ауылдық округ бойынша 80 жас өз жұмыстарын бастады. Сонымен қатар, Миялы ауылдық округінен 30, Сағыз ауылдық округінен 19, Ойыл ауылдық округінен 14, Көздіғара ауылдық округінен – 14 сарбаз қамтылады. «Жасыл ел» еліміздің жастарының экологиялық дүниетанымын, мәдениетін, табиғат пен қоршаған ортаға жауапкершілікпен қарауын қалыптастыратын табысты қозғалысына айналды, - дейді Жастар ресурстық орталығының директоры Ризабек Амантаев.
Нұрсәуле ЖАУЫНБАЕВА
