Спорттың қай түрі болмасын аудан спортшылары жеңіс тұғырынан көрініп, аудан абыройын асқақтатып жүр. Ал, жыл басталысымен спортшыларымыз жақсы жаңалығымен қуантты.
Айталық, 7-10 қаңтар аралығында Атырау қаласындағы Нұрсая спорт кешенінде бокстан 2011-2012 жылы туылған кіші жасөспірімдер арасында облыстық іріктеу чемпионаты өтті. Аталмыш жарысқа 22 команда қатысып, былғары қолғап шеберлері алты күн бойы шаршы алаңда бақтарын сынады. Сол сында 30 келі салмақта бақ сынаған Радик Рашидұлы үшінші орынға қол жеткізді. Сөйтіп, аудан абыройын асқақтатып оралды.
Радиктің осындай жетістікке жетуіне Қызылқоға балалалар мен жасөспірімдер спорт мектебінің бокс жаттықтырушылары Нұрсұлтан Салихов пен Мейіржан Сабыровтың сіңірген еңбегі зор. Олардың жарысқа демеуші болған кәсіпкер Қайырбек Баймұратовқа айтар алғысы шексіз.
Гүлмира МАҚСОТҚЫЗЫ
