Өткен аптаның сенбісі күні Марокко елінің Касабланка қаласында ардагерлер арасындағы самбо күресінен әлем чемпионаты өткен болатын.
Әлем көз тіккен байрақты бәсекеге қатысып, 90 келі салмақ дәрежесінде бағын сынаған мұқырлық Аян Тайжанов қола медаль иеленді. 30 елдің палуандары қатысқан дүбірлі додада үшінші орын иеленген жерлесіміздің жеңісі аудандағы әлем чемпиондарының қатарын еселей түсті. Бұған дейін де талай байрақты бәсекеде топ жарған самбо күресінен спорт шебері Аян Тайжановқа жеңісің құтты болсын демекпіз.
Өз тілшіміз.
