Өткен аптаның сенбісі күні мемлекеттік қызмет жүйесінің 20 жылдығына және мемлекеттік қызметшілер күніне орай Миялы ауылында «Алға басу – движение вперед» атты мемлекеттік қызметкерлер арасында бір уақытта мәреге жету қайырымдылық жүгірісі болып өтті.
Барлық округтен аталмыш жарысқа қатысқан мемлекеттік қызметкерлер ерікті түрде «ДОМ» қайырымдылық қорына өздерінің шама-шарқынша қаржы аударды. Жалпы жиналған қаражат қор арқылы еліміздегі сырқат балаларды емдеуге жұмсалады. Жүгіру қашықтығы ерлерге 2 500 метр, әйелдерге 1 500 метр болып белгіленді. Шара соңында аудан әкімінің орынбасары Марат Әбуов жүгіруге қатысқан мемлекеттік қызметшілерге рахмет айтып, белсенділік көрсеткен спортшыларға аудан әкімінің Алғыс хатын табыс етті.
Өз тілшіміз.
