Мемлекет басшысы өз жолдауларында да цифрлық экономика мен инновациялық технологияларды дамытудың маңызын ерекше атап өткен болатын.
Қазіргі уақытта бүкіл әлемде жасанды интеллект (ЖИ) саласы қарқынды дамып келеді. Ол тек технология мен өндіріс саласында ғана емес, білім беру, денсаулық сақтау, экономика, тіпті күнделікті өмірімізде де кеңінен қолданылуда. Сондықтан, жастардың жасанды интеллект туралы терең білім алуы — еліміздің болашағы үшін аса маңызды.
ЖИ туралы білім — бұл тек бағдарламалау немесе робот жасау ғана емес, ол ойлау мәдениетін, талдау қабілетін, жауапкершілікті және шығармашылықты дамытады. Егер біз мектеп пен жоғары оқу орындарында осы бағыттағы пәндерді ерте енгізсек, болашақ мамандарымыз жаһандық деңгейде бәсекеге қабілетті болар еді.
Шырынгүл БАҚТЫҒҰЛҚЫЗЫ,
мұғалім
