«Қазіргі реформалар және жастардың көзқарасы» тақырыбында дөңгелек үстел ұйымдастырылды.
Іс-шара барысында елімізде жүзеге асырылып жатқан саяси, әлеуметтік-экономикалық және білім беру салаларындағы реформалар жан-жақты талқыланды. Кездесуге мемлекеттік орган өкілдері, сарапшылар, қоғам белсенділері мен жастар қатысты. Қатысушылар реформалардың негізгі бағыттарына тоқталып, олардың қоғам дамуына әсері туралы пікір алмасты. Жастар өз көзқарастарын білдіріп, өзекті мәселелер бойынша нақты ұсыныстарын ортаға салды.
Дөңгелек үстел барысында жастардың қоғамдық-саяси өмірге белсенді қатысуы, сапалы білім алу, жұмыспен қамту және кәсіпкерлікті дамыту мәселелері көтерілді. Іс-шара соңында қатысушылар ашық диалогтың маңызын атап өтіп, алдағы уақытта да осындай кездесулерді тұрақты өткізу қажеттігін жеткізді.
