Атырауда балалар үйінің ауласына жеміс көшеттері отырғызылды. Шара «Таза Қазақстан» бағдарламасының «Бұл менің ағашым» акциясы аясында ұйымдастырылған.
Студенттер мен оқушылар еріктілермен бірігіп, 200-ге жуық шие, алма, алмұрт көшеттерін отырғызды. Енді оларды ары қарай сол балалар үйінің жасөспірімдері күтіп ұстайды.
Басты мақсат – өскелең ұрпаққа табиғатқа деген қамқорлық пен жауапкершілікті үйрету және ағаштарды күтіп-баптау арқылы еңбекке баулу.
Айнара Шапхат, ерікті: Қазақстанымыздың экологиясын көтеретін шараларға ризамын. Өйткені ол әр адамның бойына сіңеді. Яғни, экологиялық мәдениетті қалыптастыру, табиғатты дұрыс ұстау өзімізден басталады ғой.
