Бұқаралық ақпарат құралдарының кәсіби мерекесі және Индер аудандық «Дендер» газетінің 85 жылдық мерейтойына арналған салтанатты шарада әріптестеріміз де ардақталып, құрметке ие болды.
Айталық, ІІ санатты тілші Дулат Ғұбайдуллин Қазақстан Республикасының Мәдениет және спорт министрлігінің, облыстық мәслихаттың алғыс хатымен марапатталса, бет құрушы-дизайнер Әдемі Қабдолова облыс әкімінің Құттықтау хатына ие болып, қуанышқа бөленді. Сондай-ақ, І санатты тілші Бауыржан Бердіғалиев мерекеде Қазақстан Журналистер одағы басқармасының Құрмет грамотасымен марапатталды. Мерейлі мерекеде мерейлері үстем болған әріптестірімізге шығармашылық табыс, отбасыларына амандық тілейміз.
