Қаттыкөл ауылдық кітапханасы мен Қоныстану ауылдық кітапханасының ұйымдастыруымен 9 мамыр Ұлы Жеңіс мерекесіне орай "Ерлік ешқашан ұмытылмайды" атты тақырыптық кеш өткізілді.
Кеш Отан үшін кеудесін оққа тосқан азаматтарды бір минут үнсіздікпен еске алумен басталды. Жұмағали Сұлтан ақын Әбу Сәрсенбаевтың "Сен құрметте оны" өлеңін, Алпысбай Айымзада ақын Сағи Жиенбаевтың "Әлия" өлеңін, Сейілхан Кәусар ақын Қайрат Жұмағалиевтің "Жеңіс күні" өлеңін мәнерлеп оқыды. Тақырыпқа сай жасақталған кітап көрмесі таныстырылды. Көрмеде екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Ұлы Отан соғысының ардагерлері туралы естеліктер айтылды. Бүгінгі бейбіт күнге жеткізген майдангерлеріміздің ерлігі ешқашан ұмытылмайды.
