Атырау қаласына қарасты Томарлы ауылында заманауи талаптарға сай жаңғыртылған футбол стадионы ел игілігіне берілді. Бұл жоба «Атырау облыстық футбол федерациясы» мен Қазақстан Футбол Федерациясының қолдауымен жүзеге асты.
Стадион толықтай қайта жаңартылып, ФИФА стандарттарына сәйкес келетін жаңа үлгідегі жасанды жабынмен жабдықталды. Сонымен қатар, қауіпсіздік белдеулері, шет аймақ қоршаулары мен инженерлік инфрақұрылым толығымен жаңартылды. Жобаның жалпы инвестиция көлемі 150 миллион теңгеден асты. Бұл жұмыстар ауыл жастары мен тұрғындарына спортпен жүйелі түрде айналысуға мүмкіндік береді. Сонымен қатар, бұл нысан өңірдің спорт инфрақұрылымын дамыту жолындағы маңызды қадам болып саналады. Атырау облыстық футбол федерациясы алдағы уақытта да спорттық инфрақұрылымды жетілдіру бағытында жұмыстарды жалғастырмақ.
Ақтілек Базарбаева
