Атырау обл, Миялы ауылы, Қ.Сәтбаев көшесі, №17 үй. 8 (712) 3821738 mialy44@mail.ru

Ауылдық елді мекендер сапалы ауызсумен қамтылады

Бүгінде ауылдық жерлердегі елді мекен саны – 153.

Соның ішінде 121 елді мекенге таза ауызсу жүйесі тартылған. Жалпы елді мекендерді сумен қамту көрсеткіші 79 пайызды құрап отыр. Ағымдағы жылы басқа да елді мекендерді таза ауызсумен қамтамасыз ету үшін 689, 197 миллион теңге қаржы бөлінген.

Осы орайда, облыстық Энергетика және тұрғын үй-коммуналдық шаруашылық басқармасының басшысы Мұрат Иғалиевтің айтуынша, қазіргі таңда аталған қаражатқа өңірдегі 10 елді мекеннің құрылыс жұмыстары іске асырылуда.

- Бүгінде 2 нысанның құрылыс жұмыстары аяқталды. Олар Индер ауданы Қызылжар, Ақтан елді мекендеріндегі су жүйесінің құрылысы және Құрманғазы ауданы Құрманғазы ауылы Жұмекен ауылындағы Дәулеткерей, Көнеу елді мекендеріндегі су жүйелерінің құрылысы. Бұдан басқа Құрманғазы ауданы "Астрахань-Ганюшкино-Маңғышлақ" су құбырынан Ганюшкино, Нұржау, Орлы, Кадырка, Жұмекен, Дәшін ауылында орналасқан су тазарту имаратына қосу үшін жергілікті бюджеттен 392, 919 миллион теңге қаржы бөлінді. Сонымен қатар, жергілікті бюджеттің қаржыландыруымен 6 елді мекенге жобалау жұмыстары жасақталып, құжаттары дайын тұр, - дейді Мұрат Иғалиев.

Айта кетейік, аталған жоспарлы жұмыстар жүзеге асырылғанда, өңірдегі 153 ауылдық елді мекеннің 132-сі немесе халықтың 99,1 пайызы таза ауызсумен қамтамасыз етілетін болады.

Атырау облысының Өңірлік коммуникациялар қызметі

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521