«Нұр-шуақ» бөбекжай балабақшасында «Ерте жастағы жан-жақты даму келешектегі жетістіктердің кепілі» тақырыбында «Айналайын» тобында балабақшаішілік семинар өтті.

Семинарды ерте жас «Айналайын» тобының тәрбиешісі Таңсұлу Хайрова «Түрлі-түсті гүлдер» тақырыбында ойын түрінде ұйымдастырды. Оқу іс-әрекетін «Гүлдер қалай тараған» ертегі желісі бойынша сиқырлы гүлдерді суға салғанда ашылып әдемі гүлдер пайда болатынын көрсетсе, одан әрі «Өз жолын тап» ойынымен жалғасты. Бүлдіршіндер ойынға белсенді араласу арқылы ойынға қызығушылық танытты. 
    Одан соң, балалар суға толы бөтелкенің сыртындағы гүлдерді бөтелкені қатты шайқау арқылы бояп, «Бейнесін сал» деген ойынмен, түстерді ажырата білді. Шара соңында аталмыш топ тәрбиешісі Таңсұлу Хайрова бүлдіршіндерге тәттілер таратты. Тілдері енді шығып, былдырлаған бүлдіршіндерге ата-аналар алғысын білдіріп, көтеріңкі көңіл күймен тарады.