Ұлттық құрылтайда Президент жасанды интеллектті қолданудың маңыздылығына тоқталды. Ол мемлекеттік бюджеттің тиімділігін арттырып, салықтық және кедендік әкімшілендіруді жақсартуға, мемлекеттік сатып алуларды оңтайландыруға мүмкіндік береді.
Сондай-ақ, жасанды интеллект азаматтар мен мемлекет арасындағы барлық өзара іс-қимыл үдерістерін жеңілдетуге ықпал етеді. Халел Досмұхамедов атындағы Атырау университетінде «БПЛА саласының Қазақстандағы жаңа бизнес секторы ретінде дамуы» тақырыбында қонақтық дәріс өтті. Дәрісті PhD кандидаты, Astana IT University-дің аға лекторы жүргізді. Студенттер дрон технологиясының Қазақстандағы даму перспективалары, заңнамалық аспектілері, қолданыстағы жарыстар мен алдағы дрон-рейсинг бойынша іріктеу кезеңдері туралы өзекті ақпарат алды. Теориялық бөлімнен кейін қатысушылар – студенттер, мектеп оқушылары және педагогтер – дрондардың жұмыс принциптерімен, жарыс түрлерімен танысып, «Казинжиниринг» компаниясының R&D орталығы маманының FPV-пилоттау көрсетілімін тамашалады. Әсіресе, жастар үшін дронды басқару дағдыларын тәжірибеде сынап көру ерекше қызықты болды.
Іс-шара Теңізшевройл компаниясының Әлеуметтік инвестициялар бағдарламасы аясында ұйымдастырылып, жастар арасында БПЛА технологиясын насихаттауға және олардың заманауи технологиялар туралы білімін кеңейтуге маңызды қадам болды. Сондай-ақ, дәріс Қазақстан бойынша өткізілетін KazRobodrone 2.0 дрон-рейсинг симуляторындағы іріктеу жарыстарының бір бөлігі болып табылады. Бұл жарыстар Astana IT University ұйымдастыруымен және Казинжиниринг компаниясының қолдауымен жүзеге асырылуда.
