Атырау обл, Миялы ауылы, Қ.Сәтбаев көшесі, №17 үй. 8 (712) 3821738 makat70@mail.ru

Аналарды ардақтаған байқау

Еліміздің егемендік алуы жолында ерлермен бірге аянбай жұмыс жасап, ұғынықты ұрпақ тәрбиелей білген ардақты аналардың да еңбегі ұшан-теңіз.

Тәуелсіздіктің торқалы тойы қарсаңында солардың есімін жаңғыртып, кейінгі ұрпаққа насихаттау бүгінгі буынның міндеті. Осы орайда, осыдан төрт ай бұрын аудандық ішкі саясат бөлімі және «Қызылқоға» жастар қоғамдық бірлестігінің ұйымдастыруымен әлеуметтік тапсырыс шеңберінде «Ел анасы» атты конкурс жарияланған болатын. Аталмыш конкурстың қорытынды кеші таяуда Жангелдин ауылдық округіне қарасты мәдениет үйінде өтті. Шығармашылық байқауды қорытындылаған аудандық ішкі саясат бөлімінің бас маманы Жарқынгүл Сәрсенова:

– Бұл конкурс әйел аналардың қоғамдағы рөлін арттырып, гендерлік саясатты дамыту, еңбегі ерен аналардың ерліктерін насихаттап, жастардың шығармашылығын шыңдау мақсатында ұйымдастырылып отыр. Аталмыш байқауға барлығы он екі шығарма келіп түсті. Арнайы құрылған комиссия әр шығарманы мұқият талдап, нәтижесінде бес шығарма арнайы жүлдеге ие болды, – деді.

Байқау нәтижесінде, Фатима Сәуірбаева Социалистік Еңбек Ері Қанаш Қожахметова атындағы жүлдеге ие болса, Айсәуле Ардақызы Қазақ КСР-іне еңбегі сіңген дәрігер Зауза Дәулетиярова атындағы жүлдемен марапатталды. Сол сияқты, жамбылдық Гаухар Ермекке Ленин, Еңбек Қызыл Ту ордендерінің иегері Айман Самарханова атындағы жүлде табыс етілсе, Нұрәділ Еламан Қазақ КСР-іне Еңбегі сіңген мұғалім, Қызылқоға ауданының Құрметті азаматы Зәуреш Насырова атындағы жүлденің иегері атанды. Ал, соғыс жылдарында майданға жылы киіммен, ақшалай көмек көрсеткен, 4 ұл, 1 немересінен қалған бес баланы жетімдер үйіне тапсырудан бас тартып, ел қатарлы азамат етіп өсірген қамқор ана Әзен Нәбиева атындағы жүлде Аяулым Мырзабекке берілді. Барлық қатысушылар 50 мың теңге ақшалай сыйлықпен марапатталды.

Дулат БЕРІК.

ФОТОГАЛЕРЕЯ

Соңғы жаңалықтар

Сайлау

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және  коммуникациялар министрлігінде тіркелгені жөнінде 2018 жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз