Бүгінгі референдумнан ауданға, ауылға үлгілі, берекесі жарасқан отбасылар да қалыс қалмай, өз таңдауларын жасауда. Солардың бірі – сағыздық Тоқтарқұл Нұғманов пен жұбайы Қаламқас Нұрман.
Қос зейнеткер таңмен таласа Сағыз орта мектебінде орналасқан №156 учаскелік референдум комиссиясына келіп, дауыс берді.
- Бұл – аса жауапты саяси науқан. Сондықтан қалыс қалуға болмайды. Соған сай, жұбайымыз екеуміз келіп, өз таңдауымызды жасап отырмыз. Меніңше ел болашағына алаңдайтын әрбір азамат келіп, дауыс беруі керек - дейді жақында ғана ауданның Құрметті азаматы атанған Тоқтарқұл Нұғманов.
Дулат ҒҰБАЙДУЛЛИН
