Ақтауда IMBC Халықаралық мұнайгаз машина жасау орталығының қауымдастығы мен ҚР Энергетика министрлігінің қолдауымен, Мәжіліс Парламенті, «PSA» ЖШС және саланың ірі операторлары, соның ішінде ТШО қатысқан Мұнайгаз машина жасау форумы өтті.
Форумның мақсаты — отандық өндірушілерге жаңа мүмкіндіктер ашу, ірі жобаларға қатысуын жеңілдету және Қазақстан өндірісінің бәсекеге қабілеттілігін көрсету. Шараға North Caspian Operating Company N.V., ТШО, Қарақұдық Petroleum Operating B.V., Kalamkas-Khazar Operating сияқты компаниялар қатысты.
Мәжіліс төрағасы Ерлан Қошановтың айтуынша, соңғы 30 жылда мұнайгаз саласындағы ірі жобалар Қазақстанға үлкен пайда әкеліп, ішкі реформаларды жеделдеткен.
ТШО-ның Бас директоры Уильям Лакоби бүгінгі күнге компания шамамен 20 өндірісті локализациялағанын және биыл Қазақстандық құрам көрсеткішінің рекордтық 71%-ға жеткенін айтты.
«Жергілікті құрам үлесінің өсуі компанияның өнеркәсіптік тәуелсіздік пен тұрақты жеткізу тізбегін дамытудағы стратегиялық бағытын көрсетеді. IMBC-пен әріптестік отандық кәсіпорындарды көптеп тартуға, сапа мен қауіпсіздік стандарттарын арттыруға мүмкіндік береді», — деп атап өтті Уильям Лакоби.
Қазақ компанияларының сәттілігінің айқын мысалы — PSI Energy және QMOZ компаниялары әзірлеген екі қабатты модульдік қосалқы станциялар. Әр станцияның ұзындығы 38 метр, салмағы 92 тоннаға дейін, және толықтай Қазақстанда жобаланған және жиналған. Нәтиже — 800 000 адам-сағаттан астам жұмыс, қауіпсіздік стандарттарының бұзылуысыз және өндірістік оқиғасыз.
Форум барысында 45-тен астам Қазақстан компанияларының қатысуымен көрме ұйымдастырылып, машина жасау, электротехника, автоматтандыру және қауіпсіздік саласындағы шешімдер көрсетілді.
Gefest Solution Qazaqstan компаниясының өкілі Данияр Медихан:
«Бұл форумда біз сала операторларымен ынтымақтастыққа ұмтылудамыз. Бірқатар компанияларда алдын ала іріктеуден өттік. ТШО өкілдері Ақтаудағы серіктестеріміздің базасына келіп, жүйені көрсеттік және оң пікір алдық».
Бұл кездесулер отандық өндірушілерге ынтымақтастықтың нақты шарттарын талқылауға және ірі операторлардың жобаларына шығу бойынша ұсыныстар алуға мүмкіндік берді. Нәтижесінде компаниялар жеткізілім көлемін арттыруға және технологиялық дайындық деңгейін растауға мүмкіндік алды.
Global Energy Service Industry (Ақтау) компаниясы атап өтті:
«Біздің жергілікті құрам деңгейіміз клиент талаптарына байланысты шамамен 70%-дан жоғары. Қазір өнімімізді жергілікті компаниялардың көбі алады және ТШО үшін мақұлдану сатысынан өтудеміз».
Форум қорытындысы бойынша ТШО Қазақстандық өндірушілермен 8 келісімшартқа және 4 меморандумға қол қойып, жалпы сомасы 150 млн АҚШ долларынан асты.
Форум отандық кәсіпорындардың жоғары әлеуетін және халықаралық операторлардың Қазақстан компанияларымен ынтымақтастықты кеңейтуге дайын екенін көрсетті.
