Атырау қаласы аумағында «Жасөспірім» жедел-профилактикалық іс-шарасы аясында балалардың жолда жүру қауіпсіздігін қамтамасыз етуге бағытталған түсіндіру жұмыстары жүргізілуде.
Полиция қызметкерлері мектеп оқушыларымен бірге мектеп пен үй арасындағы қауіпсіз маршрутты нақтылап, жаяу жүргінші жолдарын дұрыс пайдалану қажеттігін түсіндірді. Сонымен қатар, түнгі уақытта балалардың ересектердің рұқсатынсыз сыртқа шығуына жол бермеу туралы ескерту жасалды. Іс-шара барысында ата-аналарға баланың қауіпсіздігін қамтамасыз ету – ортақ жауапкершілік екені айтылып, кәмелетке толмағандардың кешкі сағаттарда жалғыз жүруіне заңмен шектеу қойылғаны да түсіндірілді.
