Үйренген тұрғындарға үскіріктің өзі үрейлі емес. Ақпан айының екіншісі аптасынан бастап, ауданымызға қар қалың түсті.

Толассыз жауған қардың көлікпен қоса, жаяу жүргіншіні де омбылатты. Осы орайда, «Көшелерге ақ кілем төселгендей әдемілік пен әсемдіктің әсерін сыйлап тұрған қарды тазалау жұмыстары қалай жүргізілуде?»  деген сұраққа  жауап алдық. 
– Миялы ауылна жауған қалың қарды тазалауға 1 автогрейдер, 2 трактор жұмылдырылды. Бұл ең бірінші тұрғындардың жол қауіпсіздігі мен көліктердің кедергісіз жүруіне ықпал жасау. Одан бөлек, жолдарды қардан тазалап, көктайғаққа қарсы іс-шаралар жүргізу жалғасуда, - дейді Миялы ауылдық округі әкімінің орынбасары Мақсат Төкенов. 
Сонымен қатар, «Сағыз-Миялы» тас жолын тазалау жұмыстарын ұтып алған «Жаңа арна» жауапкершілігі шектеулі серіктігі қазіргі таңда арнайы техникаларын жіберген.  
Нұрсәуле ЖАУЫНБАЕВА