Олар әркез құрметке лайық

Кеңес əскерінің Ауғанстаннан шығарылғанына 29 жыл толу мерекесі қарсаңында, аудан әкімдігінің кіші мәжіліс залында аудан әкімінің орынбасары Марат Әбуов Ауған соғысының ардагерлерін қабылдап, олардың ерлік жолында жеткен жетістіктеріне тоқталып, ізгі тілегін білдірді.

 – «Ауған соғысы» деген атпен тарихта қалған, талай боздақтардың өмірін қиып, аналардың жанарын суалтқан қанды қырғын біткенімен, оның зардабы әлі күнге ел есінде. Ауған қасіреті, ауған ардагерлерінің ерлігі ешқашан ұмытылмайды. Жыл сайын ақпан айының ортасында біз ауған соғысында қаза тапқан жауынгерлерді еске алып, олардың рухтарының алдында бас иеміз. Өйткені бұл соғыста 18-19 жастағы өрімдей жас жігіттер жазықсыздан – жазықсыз құрбан болды. Ауған соғысының қанды қырғынынан абыроймен туған елге оралғандар – бүгінде ардагер ағаларымыз қажырлы еңбек етіп, өнегелі ұрпақ тәрбиелеуде. Кеңес кезінде от кешіп, омырауларын оққа төсеген Ұлы Отан, Ауған соғысы ардагерлеріне қандай құрмет көрсетілсе де лайықты. Сіздер сол жылдары ел үшін шайқасқа қатыссаңыздар, бүгінде әр салада еңбек етіп, Тәуелсіз еліміздің экономикалық қуаты мен әлеуетін арттырып, рухани- мәдени байлығын еселеуге үлес қосып жүрсіздер, -деген аудан әкімінің орынбасары Марат Әбуов аудан басшысы Арман Баженовтың атынан ауған соғысының он бес қатысушысы мен олардың жесірлеріне Алғыс хат пен естелік сыйлық табыстады.

Ардагерлер өз кезегінде өздеріне көңіл бөліп, құрмет көрсеткен аудан әкімдігіне алғыстарын білдірді. Қабылдау соңында ардагерлер өздерінің көкейтесті сауалдары мен ұсыныс-тілектерін айтты.

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика