Күні кеше Парламент Мәжілісі мен мәслихат депутаттары сайлауы аяқталды. Елімізде былтырғы референдумнан кейін алғаш рет мажоритарлық сайлау жүйесі енгізілді.
Осыған орай, Парламент Мәжілісі және мәслихаттар депутаттығына өзін өзі ұсынушылардың қатары көбейді. Тізімде жаңа партиялар да бар. Сол себептен, бұрынғыдан өзгеше болған бұл сайлаудың жауапкершілігі де, маңызы да зор.
Ауыл тұрғындары да сайлау учаскесіне барып, өз таңдауларын жасады. Енді, халық сенімін арқалаған депутаттар сайлауалды бағдарламаларын жүзеге асыруға жұмыстануы керек. Бұл ретте, біраз жылдан бері айтылып келе жатқан «Миялы-Қарабау-Индер» тас жолын тездетіп бітіруге атсалысса деймін. Сондай-ақ, жұмыссыздықты азайту, білім сапасын көтеру, жастар тәрбиесі, ауыл шаруашылығы саласын дамытуды да ұмыт қалдырмай, сайлаушылардың сенімінен шықса игі.
Сәрсенбай ҚОЙШЫБАЕВ,
Қызылқоға ауылдық бастауыш ардагерлер ұйымының төрағасы
