Сайлау күні бұрын ел басқарып, қызметте болған алдыңғы аға буын өкілдері де учаскеге келіп, дауыстарын беруде. Соның бірі – ауданның Құрметті азаматы Жасан Есқайыров.

Ол Сағыз ауылында «Шұғыла» мәдениет үйінде орналасқан №155 сайлау учаскесіне келіп, өз таңдауын жасады.

«Кеңес үкіметі кезінде кеңшар басқарып, елмен етене араласқан жандардың бірімін. Алайда, ол кезде халықта дәл мынандай таңдау болмайтын. Кеңшар директоры партияның бұйрығымен тағайындалады. Партияның пәрменімен жүреді. Ал, қазір халыққа «Өз әкіміңді өз сайлап ал» деп отыр. Бұл керемет емес пе?! Сол үшін мен де жастарға үлгі болсын деген ниетпен келіп, таңдауымды жасадым» дейді Жасан ақсақал.