АЛМАТЫ. ҚазАқпарат- Екінші дүниежүзілік соғыстың ардагері Филипп Губанов өз таңдауын жасады, деп хабарлайды ҚазАқпарат тілшісі.
№536 сайлау учаскесінде тіркелген 103 жастағы Филипп Губанов дауысты өз үйінде берді.
«Менің балалық шағым біздің тарихымыздың қиын кезеңдерімен сәйкес келді – бұл соғыс пен аштық. Тағдыр маған бейбіт өмір мен бақытты күндерді көруді бұйырды. Осы заман сақталса екен деймін. Сондықтан бүгін мен еліміздің болашағы үшін дауыс бердім. Мен үшін сайлауға қатысу және дауыс беру-бұл бақыт. Келесі сайлауда кездескенге дейін», - деді соғыс ардагері Филипп Губанов.
