Қазақстан Республикасының Конституциялық реформалар жөніндегі комиссиясы жаңа Ата Заңның жобасын жариялады.
Құжат қоғамнан түскен ұсыныстарды саралау, ашық қоғамдық талқылаулар өткізу және жаңа нормалар мен ережелерді жан-жақты пысықтау нәтижесінде әзірленген. Жоба азаматтардың, саяси партиялардың, қоғамдық ұйымдар мен сарапшылардың пікірлерін ескере отырып дайындалды. Бұл – құқықтық жүйені жетілдіруге, мемлекеттік басқару құрылымын жаңғыртуға және ел дамуының заманауи талаптарына сай берік құқықтық негіз қалыптастыруға бағытталған маңызды қадам.
Конституциялық реформа Мемлекет басшысы Қасым-Жомарт Тоқаев ұсынған бір палаталы Парламент құру бастамасына негізделіп отыр. Президент бұл ұсынысты 2025 жылғы 8 қыркүйектегі халыққа арнаған Жолдауында жариялап, саяси жүйені кешенді түрде жаңғырту қажеттігін атап өткен болатын. Жаңа Ата Заң жобасы елдің саяси құрылымын жетілдіруге, билік тармақтары арасындағы тепе-теңдікті нығайтуға және азаматтардың құқықтары мен бостандықтарын қорғау тетіктерін күшейтуге бағытталған.
Әліби ҚАЛИЕВ,
ауыл белсендісі
