Әр адамның ана тілі мен төл мәдениетін қолдануға, қарым-қатынас жасауға, тәрбие беру, білім алу және шығармашылық тілін еркін таңдауға құқығы – бұл кез келген демократиялық қоғамның басты құндылықтарының бірі.
Тіл – тек қатынас құралы ғана емес, ол ұлттың жаны, рухани болмысы мен тарихи жады. Ана тілін еркін қолдану құқығы адамның жеке тұлға ретінде қалыптасуына, ұлттық бірегейлігін сақтауға және мәдени мұрасын дамытуға мүмкіндік береді. Әсіресе тәрбие мен білім беру саласында тілдің орны ерекше. Баланың өз ана тілінде білім алуы оның ойлау қабілетін дамытып, дүниетанымын кеңейтеді. Сонымен қатар, әр азаматтың шығармашылық тілін еркін таңдауы қоғамдағы мәдени әралуандықты байытып, өзара сыйластық пен түсіністікті нығайтады. Тілге деген құрмет – елге деген құрмет. Сондықтан әр азаматтың тілдік құқығын сақтау мен қорғау – мемлекет пен қоғамның ортақ міндеті деп санаймын.
Клара АМИРОВА,
күміс алқа иесі
