Мәскеу қаласында Қазақстан, Ресей, Қырғызстан, Белорусь және Армения елі Президенттерінің қатысуымен Жоғары Еуразиялық экономикалық кеңестің шағын және кеңейтілген құрамдардағы отырыстары өтті.
Онда экономикалық интеграция туралы пікірін білдірген Мемлекет басшысы Қасым-Жомарт Тоқаев экономикалық интеграция ұйымға мүше мемлекеттердің экономикасын дамытудың және халықтарының әл-ауқатын жақсартудың бір құралы екендігін тілге тиек етіп, оның жетістігі стратегиялар, келісімдер және шешімдердің санымен емес, керісінше, жаңа өндірістер, технологиялар және жұмыс орындарымен бағаланатындығын атап өтті.
Расымен де Еуразиялық экономикалық одақтың негізгі мақсаты – халықтың өмір сүру деңгейін арттыру мүддесіне орай олардың экономикаларының тұрақты дамуы үшін жағдай жасау. Бұл ретте, ең алдымен Мемлекет басшысы атап өткендей, жаңа өндіріс, кәсіпорын көптеп ашылғаны жөн. Сонда ғана, жұмыс орындармен қамтылған адамдардың әл-ауқаты жақсарып, ұлттық экономика да арта түсері сөзсіз.
Айбар АЛТЫБАЕВ,
аудандық мәслихат депутаты
