Мемлекет басшысының Жолдауында көтерілген ең маңызды ұғымдардың бірі – әділетті қоғам құру және жауапты азаматтық ұстанымды қалыптастыру. Бұл екі бағыт бір-бірімен тығыз байланысты, әрі елдің дамуы үшін шешуші рөл атқарады.
Әділетті қоғам – бұл тек заңның үстемдігі мен әділ мүмкіндіктер ғана емес, сонымен қатар әр азаматтың өзіне де, өзгеге де жауапкершілікпен қарауы. Президент атап өткендей, реформалардың табысты болуы халықтың белсенділігі мен саналы ұстанымына тікелей байланысты. Жауапты азаматтық позиция – тек сайлауда дауыс беру емес, күнделікті өмірде ел игілігіне үлес қоса білу, қоғамның дамуына бейжай қарамау.
Бүгінгі Қазақстанда әрбір азаматтың пікірі, дауысы, таңдауы маңызды. Сондықтан Жолдаудың басты мәні – әділет пен тең мүмкіндіктерге негізделген жаңа қоғамдық мәдениетті нығайту. Бұл үшін мемлекет ашықтық, тиімді басқару, цифрлық шешімдер мен әлеуметтік қолдауды күшейтсе, қоғам өз кезегінде жаңашылдықты қабылдап, заңға құрметпен қарап, ортақ жауапкершілікті сезіне білуі керек.
Базаргүл АБДУАЛИЕВА,
аудандық соттың бас маманы
