Сайлау ережесіне сай Тайсойған ауылында орналасқан №154 учаскелік сайлау комиссиясында дауыс беру таңертеңгі сағат 7.00-де басталды.

 Аудан орталығынан шалғайда жатса да олар елдегі маңызды саяси науқаннан тыс қалып көрген емес. Аталмыш сайлау учаскесінде 455 сайлаушы тіркелген. Ауыл тұрғындары арасында бірінші болып дауыс берген көпбалалы ана Нұрсұлу Нұрмұханова:
    – Бұған дейін де бірнеше рет елімізде өткен түрлі сайлауға қатысып, таңдау жасағанбыз. Мен секілді қай ана да ұрпағының болашағы үшін дауыс береді ғой, - дейді.

Бауыржан БЕРДІҒАЛИЕВ