Қара жердің қойнынан “қара алтын” өндіріп, ел экономикасына өлшеусіз үлес қосып келе жатқан “Қайнармұнайгаз” мұнай-газ өндіру басқармасының мұнайшылары да бүгінгі сайлаудан қалыс қалмай, Мұқыр орта мектебінде орналасқан 160 учаскелік сайлау комиссиясына келіп, таңдауларын жасады.

Учаскелік сайлау комиссиясының төрағасы Серік Едігеевтің айтуынша аталмыш кен орнының мұнайшылары алдын ала өтініш беру арқылы учаскеге тіркелген. Мұнайшылардың учаскеге келіп, дауыс беруі үшін арнайы вахталық автобустар шығарылған. Бұл ретте мұнайшы Аманжан Арыстанғалиев: “Кез келген азамат оң өзгерісті қалайтыны анық. Соған сай, бүгін Мұқыр ауылына келіп, ұжымдастармен бірге таңдауымды жасадым. Бұл сайлау елімізді жарқын болашаққа бастайтын қадам деп білемін” деген пікірін білдірді. Дулат Мәтжан