Қызылқоға ауданына қарасты 19 сайлау учаскесі таңғы 7:00-де өз жұмысын бастады. Барлық сайлау учаскесінде алдымен еліміздің әнұраны орындалып, салтанатты түрде ашылды.
Енді олар кешкі сағат 20.00-ге дейін жұмыс жасайды. Белгіленген сайлау учаскелері мәдениет үйлері мен орта мектептерде орналасқан. Сонымен қатар, физикалық мүмкіндігі шектеулі жандардың дауыс беру орындарына қолжетімділігі – айрықша бақылауда. Мүмкіндігі шектеулі сайлаушыларға барлық жағдай жасалған. Сайлаушылар Парламент Мәжілісі, облыстық және аудандық мәслихат кандидаттарына дауыс беру үшін бес бюллетеннен алады.
Нұрсәуле ЖАУЫНБАЕВА
