Тасшағыл ауылдық округіне қарасты учаскелік сайлау комиссиясының алдында  ауыл тұрғындарына мерекелік көңіл күй сыйлап, қазақтың ұлттық ойындары асық ату, арқан тартыстан және ләңгі тебу мен гір тасын көтеруден сайыс ұйымдастырылды.

Осы орайда, ауыл өнерпаздары әсем ән шырқап, мың бұрала  би биледі. Одан бөлек ауыл шаруашылығы өнімдерінің жәрмеңкесі өткізілді.  Сонымен қатар, жаңа әдебиеттерді таныстыру мақсатында кітап көрмесі де ұйымдастырылды. 
Аталған аталған учаскелік сайлау комиссиясында түскі сағат 16:00-ге дейін сайлаушылардың 62,72 пайызы дауыс берді. Денсаулығына байланысты комиссия мүшелеріне үйге шақырту беріп, өз таңдауларын жасауға өтініш білдірген отыз сайлаушыға комиссия мүшелері дауыс беру жәшігін жеткізді.

Гүлмира МАҚСОТ