Ұлттық құрылтайдың ІІІ мәжілісінде сөз алған академик Оразалы Сәбден негізгі екі мәселеге тоқталды.
Ұлттық идеологияны қалыптастырудың негізгі тетігі ретінде әуелі хакім Абайдың «Толық адам» ілімін тереңдете түсуді ұсынды.
– Ол қоғамда адамды ізгілендіруді көздейді. Сананы өзгертіп, дәуір үніне сай жаңарту керек. Сондықтан зиялылардың қатысуымен «Толық адам» ілімін күнделікті өмірге енгізудің жол картасын жасау қажет. Бұған дейінгі еңбектерді де пайдалана отырып, әр саланың қызметіне енгізген жөн, – деді академик О.Сәбден.
Естеріңізге сала кетейік, Атырауда өтіп жатқан Ұлттық құрылтай мәжілісіне Қасым-Жомарт Кемелұлы арнайы келді.
